MK界最出名嘅MK妹，相信大家求其數，都數到兩、三個俾肥仔黎聽，好似 Angelababy、Janice man，仲有MK界當紅人物，前港姐馮盈盈 Fyy。肥仔黎不嬲都覺得MK妹簡單過港女好多，因為港女嘅心思係好難去估，有時佢哋講嘅嘢係佢哋自己先明真正意思。不過，估都估唔到呢個世界竟然有啲咁嘅MK妹 …
MK妹終極復合大法
有巴打就Cap低咗佢同女朋友 ( 實際上係EX ) 嘅對話，睇完先知真係一山還有一山高！肥仔黎想講句：放手，放開所有！
為咗同嗰花心MK復合，竟然容許自己男朋友出去叫雞、搵小三！不過呢個 offer 吸引唔到花心MK回心轉意。
MK妹唯有出第二招，找個男仔扮佢新男友… 嘩! 仲咁老土，TVB劇情？
但MK妹真係覺得呢招work… 某程度上都叫成功，起碼搏到花心MK回覆! 不過花心MK就將段對話放上網，笑佢個MK女友 ！
有無巴打知咩係「推死」？
MK妹找人扮自己新男友。
港女終極分手大法
又睇下港女點講分手，唔知大家又睇唔睇得明，以下巴打女友講嘅嘢？
究竟，咁多點係想表達啲咩？喂？手痕？叫我？定玩嘢？最大問題，原來依啲點已經暗藏殺機！依位巴打就冇應到，個港女過咗三個幾鐘就問：「做咩唔應我」可能巴打當時都躁躁哋，或真係唔知講咩，佢就打咗句「你想我點應」。
個港女就一個「。」句號就KO咗巴打，仲話「有冇讀過中文，句號咪姐係講完」。之後港女就覺得巴打完全唔明自己諗咩，溝通唔到，所以話「我哋分手喇」。所以今次個巴打就俾一堆點同句號KO，仲分埋手。可算是史上最強嘅港女終極分手大法。肥仔黎覺得：巴打唔好Sad，肥仔黎陪你做單身狗！